My Diary : Belajar Sesuatu Yang Baru

Dari hari atu udah ku kan update blog ani, tapi bila teliat saja joystick dapan mata atu, inda tah ku jadi, melayan PES2008 tah ku dulu.., tapi kali ani alhamdulillah ada masa sedikit yang terluang tarus tah dimanfaatkan untuk mengupdate blog ani walaupun sedikit saja..

Nampak biskita gambar-gambar diatas atu?? Nampak kah biskita apakah perbezaannya dengan gambar-gambar lain? Gambar yang diatas sekali adalah gambar yang asal dan yang lain adalah gambar yang udah di "tokok tambah"..

Masa hari isnin lapas, balik keraja atu singgah arah tampat my fren ani kan minta ajar cana kan mengedit jadi macam yang diatas atu.., before ani ada plang ku try sendiri-sendiri tapi inda menjadi..biasalah DUMMY berabis..lain yang dibuat lain plang jadinya.., gerigitan punya pasal jadinya belajar tah ku arah orang Penanjong seorang ani.., Teruja ku dengan gambar yang ditokok tambah nya ani, proses belajar pun sekajap saja pasal aku udah tahu sedikit tools yang diguna pakai dalam pengeditan ani..jadinya balik rumah tarus tah ku cari apa pakai bahan untuk di cuba..last-last terjumpa bakas bunga-bunga talor didapan my Desktop ani yang ku jadikan perhiasan, dan kesimpulannya iatah gambar-gambar yang ada diatas atu..:0

Pembelajaranku inda tamat disana saja, masih lagi banyak yang perlu ku halusi dan belajar lagi, sanang-sanang ada ku datang lagi arah mu tu wang!!!!!