Kuala Tutong Sunset

Assalamualaikum & Hai..salam sejahtera, masuk seminggu udah ku inda mengupdate blog ani, mana inda..dalam seminggu ani sibuk saja memanjang dengan keraja-keraja yang inda kan pandai abis-abis, makin betambah ada plang ia, iatah marinya aku kekurangan masa untuk mengupdate blog ku yang kan masuk setahun udah umurnya ani..syukur al-hamdulillah, hari ani aku dapat mencuri sedikit masa untuk mengupdate blog ani setelah sekian lama inda mengupdate, jadinya sebelum ku kembali sibuk dengan tugasan-tugasan yang lain, terimalah update yang indalah seberapa dariku.

Gambar ani ku shot masa outing di Kuala Tutong @ 29hb March 2009, jadinya gambar ani sudah sebulan beparam dalam simpanan hard disk ku. Terus terang aku cakap, masa outing atu, aku langsung inda belurih satu gambar pun yang bisai untuk di post disini. Sebabnya masa atu aku try membanar-banari menggambar slow-shutter "SAHAJA" arah aing pantai, tapi kebanyakkannya yang ku dapat iatah gambar putih-putih yang memutih saja, Indakan atu yang ku post disini. Jadinya cek punya cek, bilak punya bilak, akhirnya terjumpa tah ku beberapa buting gambar yang gagal masa atu yang dapat di ubahsuai untuk dibuat HDR. Jadinya atu lah satu-satunya hasilku semasa outing di Kuala Tutong :)